Gashi: Kurti po rrezikon shtetin, kjo çmenduri duhet të ndalet menjëherë

Shefi i Grupit Parlamentar të LDK-së, Arben Gashi, ka reaguar pas masave të fundit të qeverisë në detyrë kundër COVID-19, duke thënë se për shkak të luftës personale me presidentin Hashim Thaçi, kryeministri në detyrë Albin Kurti po e rrezikon shtetin e së drejtës.

Gashi, në një postim në Facebook, thotë se” kjo çmenduri, me pasoja të rënda duhet të ndalet menjëherë”.

Postimi i plotë i Gashit:

“Prapë në lufte personale me Presidentin, Kryeministri rrezikon shtetin e së drejtës!

Autorizimet dhe përgjegjësitë e Kuvendit, Këshillit të Sigurisë së Kosovës, Policisë, Gjykatave dhe institucioneve tjera te pavarura, nuk mund të uzurpohen nga Kryeministri dhe të delegohen më pas tek ministri i shëndetësisë.

Kjo çmenduri, me pasoja të rënda në precedentin që po shkakton, duhet të ndalet menjëherë!”, ka shkruar Gashi.

https://www.facebook.com/ArbenGashiLDK/posts/2952295414816532