Numër rekord i të shëruarëve nga Covid-19 sonte në Kosovë

Ka shkuar në 336 numri i të shëruarve nga koronavirusi në Kosovë, ndërsa është shtuar për dhjetë numri i të prekurve me këtë virus.

38 të shëruar vetëm sonte ka raportuar Instituti Kombëtar i Shëndetësisë publike.

Gjithashtu, Instituti Kombëtar i Shëndetësisë Publike në Kosovë ka njoftuar se dhjetë rastet pozitive janë raste kontakti: komuna e Mitrovicës 5 raste (sipas vendbanimit: 5 raste Rekë), nga komuna e Prizrenit 3 raste (sipas vendbanimit: 2 raste Prizren dhe 1 rast Gërnçar), nga Rahoveci 2 raste.

Të shtunën janë testuar 231 mostra. Deri tash janë testuar 7875 mostra të dyshimta me koronavirus në Kosovë. Në total, në nivel vendi janë këto të dhëna: 823 të infektuar, 22 vdekje e 336 të shëruar.