Kurti godet Edi Ramën, u del në krah mbrojtësve të teatrit

Kryeministri i Kosovës në detyrë, Albin Kurti, ka goditur homologun e tij në Tiranë, Edi Ramën, për shembjen e Teatrit Kombëtar. Kurti u ka dalë në mbrojtje përkrahësve të teatrit.

Përmes një statusi në Facebook, Kurti ka shkruar se i mbështet artistët dhe qytetarët e Tiranës që e mbrojtën Teatrin Kombëtar.

“I përshëndes dhe i mbështes tërë artistët dhe qytetarët e Tiranës që e mbrojtën kaq gjatë Teatrin Kombëtar. Kur ndodhin humbje, ngjarjen sa edhe vetë humbja, e shënon në histori rezistenca. Në rezistencë mësojmë, e meqë nuk i harrojmë ato mësime, ata që sot përfitojnë, nesër humbin, kurse ata që humbin fitojnë”, ka shkruar Kurti.

Kurti ka përmendur edhe artefaktet e Kosovës që janë vjedhur nga serbët.