Lideri i Lëvizjes Vetëvendosje, Albin Kurti, gjatë seancës së votimit të mocionit të Lidhjes Demokratike të Kosovës në mënyrë të tërthortë bënte përgjegjëse SHBA’në për zhvillimet duke thënë se një seancë e tillë për rrëzimin e tij nga pushteti është si rezultat i përpjekjeve për arritjen e një marrëveshje sekrete për të cilën Thaçi dhe Vuçiq janë pajtuar në Washington.

Megjithatë tashmë gjuha e Kurtit pas rrëzimit është ashpërsuar edhe më tepër. Ai tashmë është i drejtpërdrejtë. Kryeministri në detyrë i Republikës së Kosovës në një intervistë për dy gazetarë boshnjak ka akuzaur në mënyrë të drejtpërdrejtë emisarin e Trump për dialogun Kosovë-Serbi, Richard Grenell, se ka dorë në prishjen e qeverisë që udhëhiqte.

Një deklaratë e tillë e Kurtit ka zënë faqet e mediave me të mëdha të botës.

Prestigjiozja amerikane “New York Times” në titull ka vendosur “ Kryministri i Kosovës akuzon emisarin e SHBA’së për rrëzimin e qeverisë së tij”.

Artikullin e gazetës amerikane e ka shpërndarë ndërkohë edhe faqja zyrtare e Lëvizjes Vetëvendosje në llogarinë zyrtare në twitter.

Një deklaratë e tillë e Kurtit ndaj emisarit të Trumpit ka rënë edhe nën llupën e gazetës londineze “The Guardian”.

“Kryeministri në detyrë i Kosovës akuzon të dërguarin e Trumpit për ndërhyrje”, është titulli i prestigjiozes nga Britania e Madhe, raporton Gazeta Express.

Një deklaratë e tillë e Kurtit është bërë lajm edhe në “Euronews”.

“Kryeministri i Kosovës  thotë se i dërguari amerikan është përfshirë në rrëzimin e qeverisë së tij”, është titulli i “Euronews”.

Që nga marrja e postit të kryeministrit, raportet mes Kurtit dhe administratës amerikane kanë shkuar duke u përkeqësuar. Refuzimi i Kurtit për heqje të taksës pa kushte shtesë, ka shtyrë partnerin e koalicionit që t’i organizojë në Kuvend një mocion mosbesimi i cili u përkrahë nga 2/3 e deputetëve në Kuvend.

Nga Lidhja Demokratike e Kosovës thonin se nuk dëshirojnë të qëndorjnë në një qeveri anti-amerikane.

Ndërkohë Kurti ka vazhduar me deklarime e tij kundër Amerikës. Në një intervistë për një media kosovare teksa ka arsyetuar masën e tij të reciprocitetit dhe kërkesën amerikane për heqje të një mase të tillë ka thënë se Kosova nuk është në kufi me Meksikën.

Ndërkohë në një letër-këmbim me emisarin e BE’së për dialogun Kosovë-Serbi, Miroslav Lajcak, Kurti ka thënë se Evropa s’mund të zëvëndësohet nga asnjë kontinent tjetër meqenëse sipas tij e ardhmja e Kosovës është pikërisht në Evropë.

Lidhur me deklarime të tillë të Kurtit mbrëmë ka folur edhe Kujtim Shala i LDK’së. Ai ka thënë se deklarime të tilla janë të papranueshme, siç janë të papranueshme edhe deklarimet dhe sulmet e presidentit Hashim Thaçi ndaj Bashkimit Evropian.

By admin

Leave a Reply