Kreu i Komunës së Çairit, Visar Ganiu nëpërmes rrjetit social facebook ka njoftuar sot se është përfunduar riparimi i kulmit të shkollës fillore “Adem Jashari”, njofton Atdheulajm.

“Gjatë gjithë kësaj periudhe edhe pse të vështirë për të gjithë ne, mendjen dhe shpirtin nuk mund ti largojmë nga vatrat e diturisë dhe nga misioni i përmirësimit të vazhdueshëm të infrastrukturës shkollore”, tha Ganiu.

Ai tha se është punuar me intensitet të lartë që në kohën kur të kthehen nxënësit gjithçka të jetë gati.

“Në rikthimin e nxënësve dhe mësimdhënësve në foletë e dijes ta përjetojmë si triumf  të përparimit”, shtoi Ganiu.