Kandidatja për kryeministre nga Lidhja Demokratike e Kosovës, Vjosa Osmani në zgjedhjet e fundit të 6 tetorit ka arritur të marrë shumë vota nga përkrahësit e saj.

Osmani që aktualisht është kryetare e Kuvendit të Kosovës, ka arritur t’i grumbulloj gjithsej 163 mijë vota në zgjedhjet e 6 tetorit.

Mirëpo, për Osmanin gjatë ditës në rrjetet sociale dhe në disa portale kanë qarkulluar disa fotografi kinse babai i saj ishte pjesë e Policisë Serbe.

“Përkrahësit e tregtarëve të kufijve paskan gjetë një fotografi të dy policëve serbë dhe pa fije turpi gënjejnë se njëri nga ta në foto është babai im Raif Osmani”, ka shkruar ajo.

Ajo vite më parë në rrjetet sociale kishte publikuar një foto me babain e saj, i cili e kishte shoqëruar gjatë fushatës zgjedhore.