Nën praninë e Kryeministrit Avdullah Hoti, Ministrës për Kulturë, Rini dhe Sport, Vlora Dumoshi, dhe kryetarit të FFK’së, Agim Ademi, është zbuluar buceta fituese për ndërtimin e statujës së legjendës së futbollit kosovar, Fadil Vokrri, shkruan Gazeta Metro.

Në një ceremoni ku të pranishëm ishin edhe deputetë e figura të tjera, u bë zbulimi i bucetës në të cilën do të bazohet ndërtimi i statujës.

Ndryshe, vendimin për ndërtimin e statujës e kishte marrë vitin e kaluar Kujtim Gashi i PDK’së, i cili qeveriste atë kohë me MKRS’në.

Me kërkesën e kësaj ministrië, me 2 shkurt të vitit të kaluar është votuar në favor të ndërtimit të statujës së ish-kryetarit të FFK’së, i cili humbi jetën nga një sulm në zemër para dy viteve.