Drejtori i Përgjithshëm i Organizatës Botërore të Shëndetësisë (OBSH), Tedros Adhanom Gebrejesus shprehu shqetësim të thellë për përhapjen e shpejtë globale të koronavirusit e cila ka prekur 205 vende dhe territore.

Ai theksoi se OBSH-ja, Banka botërore dhe FMN-ja i kanë mbështetur programet për ndihmë të vendeve në zhvillim, në mënyrë që të merren me pasojat ekonomike dhe sociale të pandemisë.

Gebrejesus theksoi se në pesë javët e kaluara është regjistruar rrije eksponenciale e numrit të raste të reja të të infektuarve, ndërsa numri i vdekjeve është dyfish më shumë se javën e kaluar.

“Në ditët në vijim do ta arrijmë numrin prej një milion rasteve të konfirmuara me Kovid-19 dhe 50.000 viktima në botë”, paralajmëroi drejtori i përgjithshëm i OBSH-së.