Lëvizja Vetëvendosje sqaron se mbi 10 mijë punëtorë janë shtuar në regjistrin shtetëor, e këtë e ka ndihmuar Pakoja Emergjente, e cila ka shtyrë kompanitë të kenë të regjistrojnë punëtorët, për të përfitur nga ndihma e shtetit.

Derisa ministri në detyrë i Financave, Besnik Bislimi, mori reagime pas një postimi të tij, në të cilin thuhej se në Kosovë është ulur papunësia si kurrë më parë në 20 vjetët e fundit, LVV e sqaron pak më ndryshe cështjen e punësimeve.

“Për një muaj e pak ditë, u regjistruan 10.597 punëtorë të cilët nuk figuronin më parë në regjistrin shtetëror. Ky numër mund të rritet në ditët e ardhshme, pasi përmes regjistrimit bizneset dhe punëtorët përfitojnë nga masat e pakos emergjente që qeveria ka miratuar për t’i bërë ballë pandemisë COVID-19”, thuhet në njoftimin e Vetëvendosjes, transmeton Gazeta Express.