Zyra për Komunikim Publik e qeverisë në detyrë të Kosovës, përmes një shkrimi drejtuar medieve, ka njoftuar se Qeveria Kurti ka marrë një vendim përmes të cilit e ndreq terrenin për protestën e nesërme.

Sipas njoftimit, qeveria ka marrë miratuar vendimin e propozuar nga Ministria e Shëndetësisë për të ndryshuar vendimet e qeverisë sipas të cilit ishin ndaluar tubimet në të gjitha hapësirat publike dhe private.

“Qeveria e Kosovës me kërkesën e Ministrisë së Shëndetësisë ka bërë plotësimin dhe ndryshimin e vendimit të Qeverisë sipas të cilit ishin ndaluar tubimet në të gjitha hapësirat publike dhe private. Me plotësimet dhe ndryshimet e miratuara bëhet rihapja e xhamive dhe kishave për numër të reduktuar të besimtarëve në raport me sipërfaqet e këtyre faltoreve. Faltoret në këtë rast obligohen që t’ju përmbahen rekomandimeve të IKSHP-së dhe OBSh-së për ruajtje të distancës, përdorimin e maskave dhe të higjienës personale”, thuhet në komunikatën e qeverisë.