Tashmë janë publikuar rezultatet përfundimtare të zgjedhjeve të 14 shkurtit edhe për kandidatët për deputetë.

Gara për deputetë mund të ketë lënë zemër-thyer shumë kandidatë, mes tyre edhe ata që kanë siguruar ulësen e Kuvendit të Kosovës.

Haki Abazi kishte numrin 19 në garën e Vetëvendosjes, dhe ishte i dyti në Ekzekutiv në kohën e Qeverisë Kurti 1, por ia doli të merrte një ulëse në Kuvend si i fundit mes deputetëve të partisë së tij.

Ai i mori vetëm 7 mijë e 627 vota, dhe ishte prapa edhe shumë kandidatëve pa shumë emër në Vetëvendosje.

Vjosa Osmani ia doli t’i merrte mbi 300 mijë vota, ose saktësisht 100 mijë e 147 vota më shumë se Glauk Konjufca.

Sidoqoftë, një befasi e jashtëzakonshme në këto zgjedhje është rezultati i Mimoza Kusari Lilës, e cila i mori 53 mijë e 563 vota.

Rezultat të mirë befasues ka arritur edhe Eman Rrahmani, që në Legjislaturën e fundit ishte zgjedhur si deputeti i fundit i Vetëvendosjes, por që kësaj here është i 19-i dhe i mori 16 mijë e 289 vota.

Po ashtu, rezultat të mirë mori edhe Hekuran Murati që kaloi 40 mijëshin, dhe Armend Muja që ishte deputeti i shtatë më i votuar i partisë së Kurtit. /Periskopi