Kryetari i Lëvizjes Vetëvendosje, Albin Kurti deklaroi sot se detyra e parë gjatë qeverisjes së tij do të jetë menaxhimi me pandeminë, përkatësisht sigurimi sa më i shpejtë dhe në sasi sa më të madhe të vaksinave kundër COVID-19.

Ai gjatë një takimi me ambasadoren e Luksemburgut në Prishtinë, Natacha Gomes, tha se Kosova llogarit në ndihmën e shteteve mike për sigurimin e vaksinës kundër koronavirusit.

Si prioritet, Kurti shtroi edhe çështjen e punësimit dhe drejtësisë, me luftimin e krimit dhe korrupsionit në qendër, duke nënvizuar që progresi në këto fusha është i domosdoshëm për një shtet të qëndrueshëm dhe funksional.

Ndërsa, ambasadorja Gomes shprehu interesim për përgatitjet mbi formimin e institucioneve të reja dhe prioritetet e qeverisjes së re.

Kurti dhe Gomes u pajtuan që pas konsolidimit të qeveris së re, të aranzhojnë takime mes përfaqësuesve të lartë të të dyja vendeve, për bashkëpunim të mëtejmë dhe thellim të marrëdhënieve bilaterale. /Telegrafi/