Presidentja në detyrë, Vjosa Osmani është takuar me Ministrin e Punëve të Jashtme të Zvicrës, Ignazio Cassis.

Ajo thotë se në këtë takim iu konfirmua që Kosova mbetet ndër prioritetet kryesore të Zvicrës në politikën e jashtme, përcjellë Gazeta Blic.

Postimi i saj i plotë:

 Një diskutim tejet përmbajtësor me z. Ignazio Cassis, Zëvendëspresident dhe Ministër i Punëve të Jashtme të Zvicrës. Në takim mu konfirmua që Kosova mbetet ndër prioritetet kryesore të Zvicrës në politikën e jashtme.
Diskutuam edhe për mundësitë dhe nevojën për zgjerimin e bashkëpunimit ekonomik, me ç’rast theksova se përveç bashkëpunimit me mërgatën tonë, Kosova synon të shndërrohet në vend premtues e të sigurt për investime edhe për kompanitë zvicerane. Pandemia padyshim ishte në qendër të diskutimeve, e Zvicra ka qenë në krahë të Kosovës dhe në këtë periudhe, e vendi ynë do të vazhdojë të ketë vëmendjen e Zvicrës edhe tash që e gjithë bota është fokusuar kah vaksinimi dhe imunizimi.