Një grua që pretendon se është terapiste e përqafimeve thotë se ka një listë klientësh që paguajnë deri në 1300 dollarë për përqafimin e saj.Missy Robinson, 43 vjeç, thotë se përqafimi ndihmon në “shërimin e trupit, mendjes dhe shpirtit” dhe këmbëngul se shërbimet e saj nuk kanë të bëjnë me se ksin.

Unë nuk jam një punonjëse se ksi dhe kurrë nuk kam pasur ndonjë klient që të përpiqet të bëjë diçka të tillë me mua. Unë i detyroj klientët meshkuj dhe femra të nënshkruajnë një marrëveshje përpara se të fillojë seanca. Si pjesë e marrëveshjes, organet gjenitale dhe gjoksi duhet të mbulohen gjatë gjithë kohës dhe janë rreptësisht të paprekshme.

Ajo thotë se shumica e klientëve të saj janë meshkuj dhe ajo beson se seancat e tyre kanë përfitime të thella shëruese.

Unë e di që burrat janë shpesh ata që kanë nevojë për shërbime të tilla, sepse ata mund të neglizhohen kur bëhet fjalë për mbështetjen e shëndetit mendor.
Sipas saj mungesa e prekjes përkeqëson vetminë dhe mund të shkaktojë mbingrënie dhe zakone vetë-shkatërruese si p.sh. pirja e duhanit dhe kafshimi i thonjve. Megjithatë, Robinson zbuloi se kohët e fundit ajo kishte një kliente femër që kishte nevojë thjesht për një “përqafim nëne”.

Çmimet e shërbimeve që Robinson ofron janë: 65 dollarë për një seancë përkëdheljeje 1-orë, një seancë përqafimi dhe një vakt 2-orësh 195 dollarë dhe 1300 dollarë përkëdhelje gjatë natës, duke i mbajtur klientët në krahë ndërsa ata shkojnë për të fjetur.