Gazetari Çim Peka në intervistën e sontme e ka pyetur Albin Kurtin rreth deklaratës së liderit të BDI, Ali Ahmeti, i cili ka theksuar se ai po tregohet i pa guximshëm për të negociuar me Serbinë dhe se politikën po merr nga bisedat që bëhen në kafene.

Kurti ka thënë: Unë nuk kam guxim që të jap tokë të Kosovës.

“Edhe mendoj se shumë mirë që është kështu.Ka pasur aso liderësh shqiptarë edhe në histori edhe në aktualitet, ka edhe të gjallë edhe të vdekur,që kanë qenë të gatshëm të japin tokë shqiptare.Unë atë guxim nuk e kam.Jo vetëm që nuk e kam atë guxim, por nuk e kam as atë imagjinatë, e lëre më dëshirë ose kalkulim. Unë jam këtu që të mbrojë e jo të humbas”, është shprehur Kurti.