Ja përse nuk duhet t’u jepni fëmijëve lodra të plastikës

Posted by

Ekspertët kanë paralajmëruar se lodrat plastike si kukulla dhe Lego paraqesin rrezik për shëndetin e fëmijëve.

Një studim zbuloi se shumica përmbajnë nivele të rrezikshme të kimikateve toksike të cilat mund të pengojnë rritjen e të rinjve dhe kanë qenë të lidhura me kancerin dhe infertilitetin.

Studiuesit në Suedi shikuan nivelet e dy toksinave të dëmshme në më shumë se 150 lodra të vjetra dhe të reja.

Ndërsa rreth tre në 10 lodra të reja tejkaluan kufijtë ligjorë të BE dhe MB, më shumë se 80 për qind e lodrave të vjetra e shkelën objektivin. Disa lodra të vjetra përmbajnë deri në 400 herë përqendrimet e ligjshme të ‘kimikateve përgjithmonë’, të cilave mund të duhen vite për t’u degraduar në trup.

Ekspertët në Universitetin e Goteborgut, testuan 157 lodra të ndryshme, duke përfshirë topa, kukulla, figurina dhe artikuj veshjesh. Të parët janë një grup kimikatesh që përdoren për ta bërë plastikën më të qëndrueshme, shpesh të njohur si plastifikues. Këto të fundit përdoren për t’i bërë lodrat jo të ndezshme dhe mendohet se janë toksike për njerëzit.

Ftalatet janë lidhur me një rrezik në rritje të astmës, kancerit të gjirit, obezitetit, diabetit, IQ-së së ulët dhe problemeve të zhvillimit dhe fertilitetit. Mendohet se sapo këto kimikate të qëndrueshme hyjnë në trup, ato ndërhyjnë në sistemet tona të brendshme dhe prishin ADN-në tonë – gjë që mund të çojë në kancer. /Telegrafi/