Ish-ministrja e Drejtësisë, Albulena Haxhiu, vazhdon të kritikojë Qeverinë Hoti.

Por kritikat e saj sot nuk kanë të bëjnë me marrëveshjen e 4 shtatorit të Uashingtonit, por me mos ndarjen e maskave për fëmijë të cilët nga e hëna pritet të nisin mësimin.

Haxhiu përmes një postimi në Facebook thotë se Qeveria po i obligon prindërit të blejnë maska, në vend që t’iu blejë nga një maskë shumëpërdorimshe.

Ajo thotë se qeveria aktuale kujdeset veç për veten dhe njerëzit e tyre e përreth tyre.

Postimi i saj:

Ajo thotë se kjo qeveri

Gjatë kësaj jave prindërve i janë shpërndarë rregullat e fillimit të vitit të ri shkollor në kushte pandemie.

Në njërën nga këto rregulla thuhet:

“Prindërit janë të obliguar të sigurojnë maskën për fëmijët e tyre”!

A kanë menduar institucionet për prindërit që nuk i kanë mundësitë të blejnë maskat mbrojtëse për fëmijët e tyre sidomos duke pasur parasysh që orari mësimor është nga e hëna në të premte!
Ka prindër që kanë më shumë se 1 fëmijë dhe kjo do të jetë e papërballueshme për shumë familje.

Si është e mundur që edhe në rrethana të pandemisë, Qeveria të mos mendojë për mbrojtjen e fëmijëve dhe kujdesin për ta?

Po bëhen 6 muaj prej kur është ndërprerë mësimi fizik dhe padyshim që kjo ka ndikuar tek fëmijët dhe në këto rrethana sa shumë e vlefshme për fëmijët, sidomos ata të mësimit fillor do të ishte që shteti të paktën në fillim t’ia dhuronte një pako me dezinfektues e maskë mbrojtëse shumë përdorimëshe!

Por jo, ata kujdesen veq për veten dhe njerëzit e tyre e përreth tyre!