Ambasadorja amerikane në NATO thotë se aleanca do të ndihmojë anëtarët e saj më të rinj në zgjidhjen e problemit të lajmeve të rreme dhe dezinformatave, së fundmi për koronavirusin, që vijnë nga Rusia dhe Kina.

Ambasadorja amerikane në NATO, Kay Bailey Hutchison, të martën në Uashington tha se Maqedonia e Veriut, e cila iu bashkua aleancës këtë vit, do të marrë ndihmë të ngjashme si vendet e tjera anëtare në trajtimin e lajmeve të rreme nga Rusia, njoftoi agjensia shtetërore e lajmeve MIA e Maqedonisë së Veriut .

“Aleanca pret më shumë informacion nga Shkupi për krijimin e një ekipi të tillë në Maqedoninë e Veriut, me qëllim përgatitjen e mediave në vend se si të parandalojnë fushatat dezinformuese nga Rusia,” citoi MIA të thoshte Hutchison.

Ajo shtoi se shumë lajme false ishin duke u përhapur në Maqedoninë e Veriut në lidhje me koronavirusin dhe se ndihma e NATO-s ishte e nevojshme për t’u marrë me të.

Ambasadorja u bëri thirrje aleatëve të NATO-s për të luftuar dezinformimin mbi koronavirusin që vinte nga Rusia – dhe gjithashtu nga Kina.

“Ka raporte false se ata [Rusia dhe Kina] po dërgojnë ndihmë, ka raporte të rreme që virusi doli nga Evropa ose Shtetet e Bashkuara. Kjo është absolutisht e gabuar dhe ne po mundohemi t’i përgjigjemi me fakte, “tha ajo për konferencën për shtyp.

Rusia ka kundërshtuar me forcë zgjerimin e NATO-s në rajonin e Ballkanit. Mali i Zi u bë shteti i 29-të anëtar në 2017 ku ka pasur kundërshtimin e hapur nga Moska, dhe që atëherë ka qenë ka qenë në luftë me sulmet kibernetike që supozohet se vijnë nga Rusia. NATO për disa vite  ka pritur një ekip ekspertësh amerikanë, të cilët po ndihmojnë luftën kundër kërcënimeve në internet.

Maqedonia e Veriut u bë anëtari i 30-të i NATO-s në mars të këtij viti. Hutchison vuri në dukje se vendi ka qenë një objektiv i dezinformimit nga Rusia qysh kur aplikoi për anëtarësim, duke shtuar se këto kërcënime kanë vazhduar që kur ajo u anëtarësua në NATO. -Atdheu Lajm

Burimi- Balkan Insight/