Meteo analiza nga Slavço Poposki:

Një valë e ftohtë nga veriu, i lidhur me frontin atmosferik, po e përfshin ngadalë Gadishullin Ballkanik. Sa i përket motit në Maqedoninë e Veriut, deri në fund të ditës do të kemi mot kryesisht me diell dhe të ngrohtë, me temperatura që do të arrijnë nga 27 deri në 33 gradë.

Gjatë natës, vranësirat nga perëndimi do të shtohen dhe do të fillojnë reshje lokale shiu. Nesër (e diel) do të ketë më shumë vranësira, të shoqëruara me reshje lokale të herëpashershme shiu dhe ndonjëherë edhe me bubullima. Prej nga mëngjesi do të fillojë të fryjë erë veriore, e cila veçanërisht gjatë pasdites dhe mbrëmjes, si dhe gjatë natës drejt së hënës, dhe të hënën do të jetë herë pas here e fortë (mbi 60 km/h). Erërat më të forta priten përgjatë luginës së Vardarit.

Për shkak të depërtimit të një mase shumë më të ftohtë ajri nga veriu, nesër pasdite dhe gjatë natës drejt së hënës pritet një ftohje e papritur dhe e madhe, me rënie të temperaturave për 8 deri në 10 gradë, ndërsa në pjesët veriore të vendit madje edhe për rreth 15 gradë krahasuar me temperaturat që kemi sot. Për shkak të ftohjes, nuk përjashtohet mundësia për reshje bore në majat më të larta malore të Maqedonisë.

Nesër gjatë ditës temperaturat do të ngjiten në intervalin nga 19 deri në 28 gradë, por siç u përmend, pasdite dhe në mbrëmje do të bien ndjeshëm. Dita më e ftohtë do të jetë e hëna, kur temperaturat maksimale ditore do të ngjiten vetëm në intervalin nga 10 deri në 18 gradë. Të hënën dhe të martën në mëngjes temperaturat në shumë vende do të bien nën 5 gradë, ndërsa në rajonin e Berovës dhe në vendet malore ato do të bien nën zero.

Të hënën dhe të martën, gjatë natës dhe mëngjesit, është e mundur të shfaqen edhe ngrica në shumë vende të Maqedonisë.

SHËNIM: Kjo ndryshim i papritur dhe i madh i motit që po vjen në Maqedoni, veçanërisht do të ndikojë negativisht tek personat meteopatë.

Dua të theksoj se në rajon temperaturat do të bien madje edhe për rreth 20 gradë.