Arben Gashi: Vjosa Osmani është juriste e përgjegjshme, i respekton vendimet e Kushtetueses

Shefi i Grupit Parlamentar të Lidhjes Demokratike të Kosovës, Arben Gashi, në një prononcim për medie tha se kanë diskutuar me kryeparlamentaren, Vjosa Osmani, pas publikimit të vendimit të Gjykatës Kushtetuese.

Ai tha se Osmani është kryetare e Kuvendit dhe një juriste e përgjegjshme dhe se ajo i respekton vendimet e Kushtetueses.

LDK ka mbledhur kryesinë e partisë pas vendimit të Gjykatës Kushtetuese për mandatimin për kryeministër të Avdullah Hotit.

Nga LDK thanë se seanca për votimin e qeverisë në krye me Hotin do të thirret shumë shpejt.