Deputetja e AAK’së, Time Kadrijaj ka akuzuar Ministrinë e Shëndetësisë dhe Ministrin Arben Vitia se po diskriminojnë qytetarët të cilët po kthehen në Kosovë. Sipas saj, të riatdhesuarit nuk po trajtohen barabartë, pasi jo të gjithë duhet të qëndrojnë 14 ditë në Qendrën e Studentëve.

Kadrijaj thotë se njeh personalisht njerëz që nuk kanë probleme shëndetësore por janë liruar nga karantimi me arsyen se kanë probleme të tilla.

“Unë njoh disa prej tyre personalisht, me emra dhe mbiemra, e di ku jetojnë. Janë njerëz që punojnë në institucione kredibile të Kosovës dhe janë dalë me atë diagnozë”, tha ajo në Pressing.