40 të vdekur dhe mbi 245 të plagosur në Liban

Sulmet izraelite kanë vrarë të paktën 40 persona dhe kanë plagosur 246 të tjerë në Liban në dy ditët e fundit, tha ministria libaneze e shëndetësisë. Raporti përfshin shtatë fëmijë, tha ministria.

Sipas Al Jazeera, ushtria izraelite tha se kishte sulmuar një vend lëshimi raketash në Liban, i cili u përdor për të hedhur raketa drejt Lartësive të Golanit.

SHBA-ja dhe Izraeli vazhdojnë sulmet ndaj Iranit, ndërsa Teherani kundërgodet objektivat amerikane në rajon.

Ambasada amerikane në Riad u sulmua me dronë, ndërsa ajo në Kuvajt u mbyll përkohësisht për shkak të tensioneve rajonale.

Sulmet e përbashkëta të Izraelit dhe SHBA-së ndaj Iranit nisën më 28 shkurt, me synimin për të frenuar programin bërthamor iranian.