LAJME
Paralajmërohet pranvera e ‘nxehtë’ në Kosovë, kjo do të jetë goditja e radhës nga qeveria Kurti
Gjatë ditës së hënë, aksioni i Prokurorisë Speciale dhe Inspektoratit Policor i quajtur “Pika” u përmbyll me arrestimin e 50 zyrtarëve policorë mbi dyshimet për korrupsion dhe keqpërdorim të pozitës zyrtare.
E 25 prej të arrestuarve kanë dalë dje para gjykatës, të cilëve u është vendosur masa e paraburgimit prej 30 ditëve.
Kurse sot, Gjykata Themelore në Prishtinë u ka caktuar masën nga një muaj paraburgim nedhe 15 zyrtarëve policorë të arrestuar si pjesë e aksionit “Pika”, ndërsa nëntë të akuzuarve të tjerë iu caktua masa paraqitje në stacionin policor.
E sipas analistit politik, Faton Mehmeti, ky aksion ka qenë i domosdoshëm në Kosovë, pasi sipas tij, shumë pjesëtar të Policisë së Kosovës janë pjesë e rrjetit të krimit të organizuar.
“Aksionin e së hënës e shoh shumë të nevojshëm, të domosdoshëm dhe krejtësisht me vend. Ka kohë që dihet fakti se shumë policë janë të zhytur në bashkëpunim me serbët në Veri dhe në pikat tjera kufitare, përmes të cilave kanë siguruar të mira materiale”, thotë Mehmeti.
