Kirurgu i njohur kosovar humb betejën me COVID – 19

Spitali i Përgjithshëm i Gjakovës, ka njoftuar se ka ndërruar jetë doktori, Ali Tolaj si pasojë e COVID-19.

Në njoftimin e bërë nga Spitali i Gjakovës thuhet se, Tolaj ishte në krye të detyrës deri në ditën kur ishte infektuar me coronavirus, transmeton Telegrafi.

“Na trishtoj pa mase lajmi për ndarje nga jeta ketë mëngjes e Dr. Alis, mjekut të përkushtuar që shërbeu pa u lodhur dhe nuk u nda asnjë dite nga puna e tij.
Dr.Ali (Kadri) Tolaj -1961-2020, Kirurg në Spitalin e përgjithshme në Gjakovës nga viti 1988, Dr.Alia që nga fillimi i pandemisë ishte në krye të detyrës duke ju shërbyer pacientëve deri në ditën kur edhe vete rezultojë pozitiv në Covid-19. Me gjithë përpjekjet e jashtëzakonshme të stafit të shëndetësorë për kolegun e tyre, ai nuk e fitoi dot betejën me virusin e rrezikshëm”, thuhet në njoftim.

Më tej në njoftim thuhet se humbja e Tolajt është humbje e madhe për sistemin shëndetësor.

“Është një humbje e madhe për sistemin shëndetësor, humbja e një mjeku që ka shërbyer me përkushtim e profesionalizëm për shume vite. Menaxhmenti, koleget, gjithë stafi i Spitalit ju shprehim ngushëllimet më të sinqerta familjarëve, miqve dhe kolegëve. Ju rikujtomë qytetarëve të mos e ulin vëmendjen për zbatimin e rregullave dhe masave për të frenuar përhapjen e virusit të rrezikshëm që prek këdo, pa dallim”, thuhet në njoftim./Telegrafi/