I gjashti në qeveri, një tjetër ministër rezulton pozitiv me coronavirus

Ministri brazilian, Wagner Rosario rezultoi pozitiv për COVID-19, njoftoi zyra e tij.

Rosario, i cili kryeson Ministrinë e Transparencës, Mbikëqyrjes dhe Dontrollit, është ministri i gjashtë në qeverinë e Presidentit, Jair Bolsonaro që është infektuar me coronavirus, raporton cnn.

Të enjten, ministri i shkencës dhe teknologjisë braziliane, Marcos Pontes njoftoi në Twitter gjithashtu se rezultoi pozitiv me virus, transmeton Telegrafi.

Rosario do të mbetet në izolim dhe do ta kryejë detyrën e tij nga distanca deri sa të shërohet. Theksojmë se edhe presidenti brazilian është shëruar kohë më parë prej virusit.

Ndryshe, Brazili deri më tani ka regjistrua 2.6 milionë raste gjersa 92568 njerëz kanë ndërruar jetë. /Telegrafi/