Pacolli shkruan për takimin në Washington, ja çfarë thotë

Kryetari i Aleancës Kosova e Re, Behgjet Pacolli, ka thënë se Kosova nuk ka humbur asnjëherë me përfshirjen e Shteteve të Bashkuara të Amerikës në marrëveshje, njofton Insajderi. Me anë të një postimi në Facebook, Pacolli ka thënë se marrëveshjet e mundshme ekonomike të cilat mund të arrihen në Uashington mes Kosovës dhe Serbisë janë po ato marrëveshje që siç thotë ai, i ka përmendur që 13 vjet.

“Se Kosova dhe Serbia duhet të lidhin një lloj marrëveshje ekonomike është diçka për të cilën kam folur mbi 13 vjet më parë. Fakti që takimi po zhvillohet në Uashington është pozitiv. Kosova kurrë nuk ka humbur në përfshirjen e SHBA-ve, të cilët janë edhe aleati ynë kryesor”, ka shkruar Pacolli. /Insajderi.com