Shuarja e një aktori të madh: Kush ishte Adem Mikullovci, nga aktrimi në politikë

Adem Mikullovci (i lindur në vitin 1939, në Vushtrri) ishte pjesë e plejadës së aktorëve të ish-Teatrit Popullor Krahinor të Kosovës (tashmë Teatrit Kombëtar të Kosovës). Pas ndërprerjes së studimeve në Akademinë për Teatër dhe Film në Beograd, në vitin 1968, u kthye në Prishtinë dhe filloi punën në teatër.

Prej atij viti (1968) e deri në korrik të vitit 1990, Adem Mikullovci bëri një karrierë me 45 role kryesore, si dhe rreth 70 role të dyta në shfaqje teatrore. Rolet më të dalluara i realizoi në shfaqjet: “Duke pritur Godonë”, “Po shkoj për gjah”, “Njeriu që pa vdekjen me sy”, “Dashuria”, “Hotel Kashta” me rekord shikueshmërie (nganjëherë me nga dy shfaqje në ditë), “Fundi i botës”, “Miza në vesh”, “Erveheja” etj. Mikullovci gjithashtu ishte regjisor i disa shfaqjeve në teatër, si: “Pas vdekjes” (Çajupi), “Mosha e bardhë” (D.Agolli), “Dan Shejtani”, “Engjëlli i stacionit”, monodrama “Bihorasit” (dramatizim i veprës së autorit Q. Sijariq), “Ti mos u përziej”, komedia “Shtrati”, stend-up komedia “Përgjuesi” etj.

Krijimtaria – Filmografia

Proka (1984)-aktrim

Kur pranvera vonohet (1980)-aktrim

Era dhe lisi (1979)-aktrim

Sulmi i kuq (1974)-aktrim

Kad sam bio vojnik (1969)-aktrim

Vakti e han kashtën I (2009)-aktrim

Crveni udar (1974)-aktrim

TV produksioni

Kafeneja jonë- (2004 – 2013) (serial humoristik)-aktrim

Oda e Junikut-(film televiziv)-Regji/aktrim

Duke pritur Godonë (1977)dramë-aktrim

Ditari i Lec Pazhecit (1975) (komedi)-aktrim

Qesh e ngjesh (1982) (humor)

Gëzuar Viti i Ri (1976)

Burleska (komedi).

Çka Ka Shpija (2014) aktiv aktrim.

Videoproduksioni:

Mahmutovitët dhe Rexhepovitët

Vjeshtë e zymtë e profesor Nexhatit

Kur do të kthehet Remziu

Katunar e sheherli

Mëhalla jonë

Qëndresa

Sadri Llapjani

Të gjithë me ne, (2000)

Mësuesi

Një pallto për babain tim në burg

Një buqetë buzëqeshje

Karriera politike

Në vitin 1990, ai ishte në mesin e deputetëve të Kuvendit të Kosovës të cilët shpallën Deklaratën Kushtetuese të 2 Korrikut.

Mikullovci hyri sërish në politikë kur u bashkua me Vetëvendosjen në maj të vitit 2017. Në zgjedhjet parlamentare të atij viti, ai u zgjodh deputet në Kuvendin e Kosovës.