Çaji natyral kundër kollës: Kur keni kollë të thatë, ky është shpëtim!

Gjatë infeksioneve të frymëmarrjes, përveç medikamenteve mjekësore, është e nevojshme të pini edhe çaje të bëra vetë, të cilat do t’ju ndihmojnë të pastroni mukozën nga mushkëritë

Përveç një pijeje me xhenxhefil, limon dhe mjaltë, provoni këtë çaj për të cilin ju sjellim recetën, transmeton Telegrafi.

Dy përbërësit kryesorë janë – farat e lirit dhe trumza!

Çaji i farave të lirit dhe trumzës patjetër do t’ju ndihmojë të holloni dhe të largoni mukozën e grumbulluar nga mushkëritë tuaja.

Ky çaj vepron si për kollën e thatë ashtu edhe për kollën irrituese duke qetësuar mukozën dhe muskujt bronkialë.

Farat e lirit – një ndihmë efektive për kollën e thatë dhe të lagësht

Kur zhyten në ujë, farat e lirit lëshojnë mukozë shëruese, e cila, në kontakt me fytin dhe mukozën, ka një efekt qetësues dhe njëkohësisht pastron bronket.

Përveç kësaj, farat e lirit janë të pasura me fibra, kështu që pa dyshim që do të ndihmojë tretjen tuaj, por janë gjithashtu të pasura me acide yndyrore omega-3 dhe mangan.

Trumza – një ilaç natyral për kollën

Bima popullore mesdhetare trumzë është përdorur prej kohësh për qëllime mjekësore, duke përfshirë lehtësimin e kollës, bronkitit dhe të gjitha sëmundjeve që lidhen me sistemin e frymëmarrjes.

Dihet se ka efekte antibakteriale, antimikrobike, antifungale dhe anti-inflamatore.

Ajo funksionon duke relaksuar muskujt e bronkeve. Trumza është treguar efektive edhe në bronkitin dhe kollën e mirë, e cila shpesh prek fëmijët. /Telegrafi/